Ներկայացնում ենք բալով խխունջ կարկանդակ՝ պարզ և վառ դեսերտ:
Բաղադրիչները՝
- Կարագ՝ 200 գ.
- Աղ՝ 1 պտղունց
- Ցորենի ալյուր՝ 3 բաժակ
- Կեֆիր՝ 1 բաժակ
- Փխրեցուցիչ՝ 1 թ. գ.
- Վանիլին՝ 1 պտղունց
- Բալ՝ 500 գ.
- Շաքարավազ՝ 0,5 բաժակ
- Շաքարի փոշի՝ ըստ ճաշակի
Պատրաստումը՝
1. Խառնեք ալյուրը, աղը և փխրեցուցիչը: Կարագը փափկեցրեք, խառնեք ալյուրին, ավելացրեք կեֆիրը և փափուկ խմոր ստացեք:
2. Սեղանի վրա ալյուր լցրեք, խմորը բացեք մոտ 5 մմ հաստությամբ: 20 х 8 սմ չափի կտորներ կտրեք, կենտրոնում առանց կորիզի բալի շարք շարեք, վրան վանիլինի խառնած շաքարավազ ցանեք, ծայրերն ամրացրեք:
3. Ստացված մասնիկները պտուտակաձև դրեք կարագ քսված կլոր ձևամանի մեջ: Թխեք 200 աստիճանի պայմաններում 40 րոպե: Երբ կարկանդակը սառի, վրան շաքարի փոշի ցանեք:
