Ներկայացնում ենք հարստության նշաններ մարմնի վրա:
Խալեր
Ներկա կամ ապագա հարստության մասին են խոսում աջ հոնքի մոտ, ականջի վերևի մասում, թևատակերի ներքևի մասում, ձեռքերի դաստակներին (բայց ոչ մատներին) գտնվող խալերը: Այսպիսի նշաններ ունեցողները հարստության հետ մեկտեղ չեն մոռանում բարեգործություն անել:
Խալը կզակին համառ աշխատանքի արդյունքում ստացված հարստության նշան է: Եթե վերևի շրթունքի վերևում խալ ունեք, կարող եք հանկարծ ժառանգություն ստանալ: Կամ հարուստ մարդու հետ կամուսնանաք:
Խալը գագաթի մազերի մեջ հարստության նշան է, որ կստանաք 40 տարեկանին մոտ: Որքան խալը մուգ է, դրա տերն ավելի հարուստ է: Նույն խորհրդանիշն ունի ճակատի խալը:
Պարանոցի վրա՝ կոկորդի մոտ գտնվող խալը խոսում է այն մասին, որ դրա տիրոջը սպասվում է հաշվարկով ամուսնություն կամ գլխապտույտ կարիերա, որը հարստություն կերաշխավորի:
Պորտի խալ՝ բարեկեցությունը հնարավոր կլինի ծնողների կամ ավելի հեռու նախնիների շնորհիվ:
Խալ ձախ կրծքի վրա ունենում են նրանք, ովքեր իրենց ուժերով ձգտում են հաջողության:
Սովորաբար այդպիսի մարդիկ նյութական վիճակի բարելավում են ունենում կյանքի երկրորդ կեսին:
Աջ ծնկի վրա խալ ունեցողները ևս կարող են հարստանալու հույս ունենալ:
Ականջներ, ատամներ, քիթ
Հարստանալու մեծ հավանականություն ունեն նրանք, ում ականջները գտնվում են հոնքերի մակարդակից վերև և գլխին մոտ են, նաև երկար ականջաբլթակ ունեցողները և ականջների կոշտ արտաքին օղագոտիներ ունեցողները:
Խոշոր, «ձիու», ուղիղ, սպիտակ և իրար կիպ հարող ատամները հարստության նշան են:
Ըստ չինացիների՝ հարստություն է սպասվում մեծ, ուղիղ քիթ, ոչ մեծ քթանցքեր, կլոր ծայրեր ունեցողներին:
Կարդում ենք ափով
Նյութական բարեկեցություն է սպասվում նրան, ով ունի խոշոր և ամուր ափ: Այդպիսի ափ ունենում է նպատակասլաց և էներգիայով լի մարդը:
