Ավստրալիացի այս աղջիկը եկել էր շրջանավարտների երեկույթին ու իր արտաքինով զարմացրեց ոչ միայն դասընկերներին, այլև դիզայներներին: Բանն այն է, որ ավագ դպրոցի աշակերտուհին ինքն է կարել զգեստը, ավելին՝ զարդարել է այն շատ անսովոր և ինքնատիպ տարրերով:
Ջեսիկա Քոլինզը, այսպես է ստեղծագործ շրջանավարտի անունը, որոշեց մի փոքր կրեատիվ հաղորդել իր տոնական տեսքին: Նա մտահղացել է հանդերձանքի ներքևի հատվածը մանգոյի կորիզներով զարդարել:
Ամեն ինչ սկսվեց նրանից, որ մի օր Ջեսիկան մտածեց մանգոյի հասուն պտուղները վերամշակելու մասին: Աղջիկը մեծացել է մի ընտանիքում, որը մանգոյի մի ամբողջ ֆերմա ունի: Բազմիցս նա տեսել է, թե ինչպես են գերհասունացած պտուղները աղբավայր ուղարկվում:
Այսպիսով, ավագ դպրոցի աշակերտուհին սկսեց կորիզներ հավաքել չօգտագործվող պտուղներից, որպեսզի հետագայում դրանք օգտագործի զգեստ ստեղծելու համար: Հատիկները կատարյալ էին դրա համար` հարթ ձևի շնորհիվ: Իսկ չորանալիս ոսկորները նույնիսկ փայլ են ստանում և սկսում շողալ լույսի ներքո:
Ջեսիկայից պահանջվեց մոտ չորս ամիս աշխատելու համար, և մոտ յոթ հարյուր կորիզ: Չնայած երկարատև ու բծախնդիր ընթացքին, աղջիկն իսկապես հաճույք էր ստանում ստեղծագործելուց և գոհ էր արդյունքից: Բացի այդ, հանդերձանքը պատրաստելիս` Ջեսսիկան պահում էր պորտֆոլիո, որտեղ նկարագրում էր իր բոլոր գործողություններն ու հիմնական քայլերը:
Ջեսսիկան հույս ունի, որ այս կերպ նա կարող է որոշակի ներդրում ունենալ նորաձեւության արդյունաբերության մեջ: Նա խթանում է մանգոյի հատիկների օգտագործումը` բամբակի նման գործվածքային մանրաթելեր ստեղծելու համար: Այն կարդարացներ մանգոյի աճեցման հետ կապված բազմաթիվ ծախսերը։
Այսպես թե այնպես, Ջեսսիկան չի հավակնում դիզայներ լինել: Նա ապագայում տեսնում է իրեն որպես բուժաշխատող։
