Տարեց մարդկանց մեծ մասը նախընտրում է անկախ և ինքնուրույն մնալ, բայց երբեմն նրանց պարզապես անհրաժեշտ է օգնություն:
Տան գործերը կարող են շատ ուժ և ժամանակ պահանջել, հատկապես եթե մեծ այգի ունեք:
Ջերին ապրում է ԱՄՆ Տեխաս նահանգի Ռիսել բնակավայրում, որտեղ տեղի օրենքները բնակիչներին արգելում են իրենց հողամասում 45 սմ-ից բարձր խոտ աճեցնել: Երբ ոստիկանությունը խախտումը նկատեց, կնոջը դատական ծանուցագիր ուղարկեց: Բայց քանի որ Ջերին այս մասին ոչինչ չգիտեր, ոստիկանությունը նրան ձերբակալելու արտոնագիր տվեց:
Այս լուրն արագ տարածվեց ամբողջ քաղաքում, և երբ 4 տղաներ իմացան կատարվածի մասին, անմիջապես հասկացան՝ ինչ է պետք անել:
Նրանցից յուրաքանչյուրը Ջերիի տան մոտ գնաց իր գազոն կտրող մեքենայով և այգեգործական գործիքներով, մտավ հողամաս և սկսեց խոտը կտրել ու մոլախոտերը հանել:
Երբ տեղի մյուս բնակիչները տեսան, թե ինչ է կատարվում, շտապեցին միանալ տղաներին: Մի քանի ժամ անց համատեղ ուժերով աշխատանքն ավարտվեց:
Տղաների և սրտացավ բնակիչների արարքը հուզեց Ջերիին լաց լինելու աստիճան. «Ես հազվադեպ չեմ կարողանում խոսքեր գտնել, բայց սա հենց այդ դեպքն է: Ես պարզապես խոսքեր չունեմ»,- ասաց կինը:
