Այսօր կպատմենք, թե ինչպես պատրաստենք սպիտակաձավարով կոտլետներ, որոնք պակաս համեղ չեն, քան մսով կոտլետները։
Իհարկե, այն բուսական անվանել չենք կարող, քանի որ բաղադրության մեջ ձու և կարագ կա, բայց ամեն դեպքում, եթե շատ եք ուզում կոտլետ ուտել, իսկ այդ պահին տանը միս չկա, սա հրաշալի տարբերակ է։
Անհրաժեշտ բաղադրիչներ
- 200 գրամ սպիտակաձավար
- 2 ձու
- 1 ճ․գ․ կարագ
- 50 մլ ջուր
- 1 սոխ
- 1 կապ սամիթ
- 1 թ․գ․ մանանեխ
- 0,5 թ․գ․ աղ
- 1 թ․գ․ սոդա
- Աղ, պղպեղ՝ ըստ ճաշակի
Պատրաստման եղանակը
1. Խառնեք փափկած կարագը սպիտակաձավարի և սոդայի հետ։
2. Խաշած ձուն քերեք կամ մանր կտրատեք։ Ավելացրեք սպիտակաձավարին։
3. Սենյակային ջերմաստիճանի ջուր ավելացրեք, խառնեք և դրեք սառնարանը։
4. Սոխը մանր կտրատեք և սոխառած արեք, վերջում ավելացրեք սամիթը։
5. Սպիտակաձավարի խառնուրդը հանեք սառնարանից և ավելացրեք սոխառածը, սամիթը, աղն ու պղպեղը։
6. Կոտլետներ ձևավորեք և տապակեք տաք բուսայուղի մեջ, մինչև ոսկեգույն կդառնան։
7. Մատուցեք պանրային կամ սխտորային սոուսով։
