Այս լեգենդար անհատականության գերող հմայքը միշտ զարամցրել է շրջապատողներին: Յուրահատուկ, անկրկնելի գեղեցկությունը նրանում զուգակցվում էր սուր մտքի, շշմեցուցիչ աշխատասիրության և ամուր բնավորության հետ:Շանելը միշտ ընթացել է հոսանքին հակառակ: Ապրել, գործել, հաղթանակների է հասել ի հեճուկս, կոտրել է ավանդույթները, նոր ճանապահներ գցել.
«Լինել ուրիշներից տարբերվող` հեշտ է, սակայն լինել յուրահատուկ` բարդ գործ է»: 1) Եղիր քո կյանքի հերոսուհինԿոկո Շանելը մեծագույն դիզայներ է դարձել ոչ ճակատագրի բերումով, այլ սեփական ջանքերի շնորհիվ: Կարելի
՞ է արդյոք նրան հաջողակ համարել: Մանկուց նա նա ապրել է աղքատ ընտանիքում, իսկ 6 տարեկանում որբացել է: Անշուշտ, ողջ կյանքում նա կարող էր իրեն զոհի կերպարի մեջ պահել, միշտ շեշտելով, թե որքան անարդար է կյանքը, սակայն ընտրում է այլ ճանապարհ: Նա ստիպված էր սկսել ամենապարզից` օրվա ընթացքում աշխատելով դերձակուհի, իսկ երեկոյան հանդես գալիս կաբարեում:
2) Ձգտիր պարզության ամեն ինչումԻր հավաքածուները մշակելիս Շանելը հիմքում դրել է էսենցիալիզմը, նա աշխատում էր ազատվել անպետք բաղադրիչներից, որպեսզի հասներ կատարելության: Այդպես էլ ծնվեց պարզ սև շրջազգեստը, որը մինչ օրս համարվում է բարձր ճաշակի և նրբագեղության խորհրդանիշ: Շանելը գտնում էր, որ գեղեցիկ կյանքի գաղտնիքը հաշվարկված ու հստակ լինելն է, և ոչ թե այն ամեն ինչով լցնելու ձգտումը, որն առաջին հայացքից կարող է օգտակար թվալ։
3) Եղիր յուրահատուկԵրբ Վեսթմինսթերի հերցոգը խնդրեց նրա ձեռքը, Շանելը մերժեց, պատճառաբանելով դա նրանով, որ իրենից առաջ առանց այդ էլ շատ իշխանուհիներ են եղել, սակայն Կոկո Շանելն աշխարհում միակն է: Եթե երբևիցե Շանելն ընտրեր սոցիալապես ճիշտ համարվող ճանապարհը և տվյալ ժամանակների կանոնները, ապա մենք դժվար թե այսօր կկարողանայինք վայելել
Chanel №5-ի բույրը կամ խոսել Կոկոյի բաճկոնների մասին: Սակայն այս կնոջ խիզախությանը նախանձել կարելի է. նա հպարտորեն ականջի ետև էր գցում կողքից հնչող ծաղրանքը, երբ Փարիզի փողոցներով զբոսնում էր տղամարդու տաբատով: Ինչ-որ առիթով նա ասել է.
«Հաջողության իմ գլավոր գաղտնիքն այն է, որ ես նման չեմ ոչ մեկին»:
4) Ապրիր քո կանոններովԱյն ժամանակաշրջանում, երբ ցանկացած կին չէր կարող առանց կորսեթի և շքեղ փետուրներով գլխարկի, ըմբոստ Շանելը շեղվեց մեծամասնությունից՝ նախապատվությունը տալով տղամարդկային ոճին: Նա համարում էր՝ որպեսզի ապրես սեփական կանոններով, անհրաժեշտ է հաստատակամ լինել ու տիրապետել համառության. չէ
՞ որ տրորված ճանապարհով գնալն ավելի հեշտ է:
5) Աշխատիր միշտ հրաշալի տեսք ունենալՆորաձևությունը կտորի, դիզայնի, գույնի և բաղադրիչների միջոցով ինքնաարտահայտման ձև է: Շանելը քննադատում էր այն կանանց, ովքեր տանից դուրս էին գալիս չխնամված տեսքով: Նա պատճառաբանություններ էր փնտրում նաև իր համար. չնայած զբաղվածությանը, Շանելն ամեն օր կարի արտադրամաս էր գալիս նրբագեղ կոստյումով և զարդեղենի ամբողջական հավաքածույով:
