Հոգեբանները ասում են, որ նախանձը պետք է ներկա լինի ընկերության մեջ, բայց ոչ մեծ քանակությամբ: Մարդն իր էությամբ նախանձող արարած է, բայց եթե նախանձն արդեն հատել է բոլոր սահմանները, ապա հարկավոր է անհապաղ որևէ բան ձեռնարկել:
Ուշադրություն դարձրեք որոշ բաների, երբ շփվում եք մտերիմ ընկերուհու հետ: Եթե դրանք նկատում եք հաղորդակցման մեջ, ապա համոզված եղեք, որ նա նախանձում է ձեզ և դադարեք շփվել։
Մեծ հետաքրքրություն ձեր խնդիրների հանդեպ, քան հաջողությունների
Եթե ընկերուհիդ ուշադիր լսում է պատմություն քո ձախողումների մասին, խնդրում է քեզ մանրամասն պատմել, հարցեր է տալիս, ապա սա արդեն հուշում է, որ ինչ-որ բան այն չէ:
Իսկ երբ դուք, ընդհակառակը, նրա հետ կիսվում եք ձեր կյանքի լավ լուրերով, իսկ նա «նստած է» հեռախոսի մեջ, զննում է մանիկյուրը կամ հորանջում, կարող եք վստահ լինել, որ նրան ուրախացնում են միայն այն վատ լուրերը, որոնք պատահում են ձեզ հետ:
Վիրավորական կատակներ
Լավ ընկերները միշտ կատակներ են անում միմյանց հետ և հաճախ չնայած կողքից այն վիրավորական է թվում, նրանց համար դա սիրո դրսևորում է:
Բայց ձեր լավագույն ընկերուհու հումորը չպետք է ձեզ վիրավորի կամ անհարմարություն պատճառի: Նախանձ ընկերուհին միշտ կատակում է այն թերությունների վերաբերյալ, որոնք դուք կիսում եք նրա հետ` իմանալով հանդերձ, որ այդպիսի կատակները խոցում են ձեզ։
Վատ խորհուրդներ
Քանի որ նախանձ ընկերուհին միայն ուրախանում է ձեր կյանքի սև գծով, նա միշտ ձեզ խորհուրդ կտա վատ բաներ: Ամենից հաճախ այդպիսի ընկերուհիներն աղջկան տրամադրում են իր տղամարդու դեմ՝ ասելով, որ նա չի սիրում իրեն կամ դավաճանում է։ Որից հետո վեճեր են սկսվում ընտանիքում և, որպես կանոն, բաժանվում են։
Նաև այս վերաբերմունքը կարելի է տեսնել ամենապարզ փոքր բաների մեջ: Օրինակ, երբ ձեր երազանքի աշխատանքն եք ձեռք բերում, որի համար լավ աշխատավարձ են խոստանում, և ընկերուհուդ հետ ես կիսում այս իրադարձությունը, նա աջակցության փոխարեն ասում է, որ այդ աշխատանքը ձեզ համար շատ դժվար է, և հաստատ չեք հաղթահարի։
Եվս մեկ բան դուք կարող եք նկատել ձեզանից հետո, երբ ընկերուհու հետ հանդիպումն արդեն ավարտվել է: Եթե նրա հետ շփվելուց հետո ուժի պակաս եք զգում, բարոյապես սպառված եք, նեղված եք, ապա անմիջապես դադարեք շփվել նրա հետ, քանի որ նա ոչ միայն նախանձ ընկերուհի է, այլև էներգետիկ վամպիր: Հիշեք, որ իսկական ընկերուհին ոչ մի պարագայում չի կարող անհաջողություն մաղթել ձեզ։
