Ես Նատալիայի հետ բավականին պատահական ծանոթացա, մարզասրահում: Այդ կինը փոխարինեց իմ մարզչին, որը պառկած էր անգինայով։ Նատաշան ինձ թվաց ակտիվ և նպատակասլաց անձնավորություն:
Այդ պահին ես ծանր ժամանակներ էի ապրում և տառապում էի այն փաստից, որ չէի կարողանում ազատվել ատելի ավելորդ կիլոգրամներից: Ամուսինս շարունակում էր կատակել` վստահեցնելով, որ ինքը չի պատրաստվում ապրել ծույլ թմբլիկի հետ: Փորձեցի ինքս ինձ հավաքել և նույնիսկ անցա խիստ սննդակարգի:
Ընկերուհիս ինձ բռնի կերպով էր քարշ տալիս մարզադահլիճ՝ խոստանալով ոսկե սարեր: Նատալիան, քրտնած, տանջված գեր այցելուների ֆոնի վրա, ինձ համար դարձավ կանացի գեղեցկության իդեալը: Կապույտ աչքերով այս շիկահերը հպարտությամբ պարծենում էր իր ձիգ կազմվածքով։
Այդ օրը Նատաշան ուշադրությամբ ուսումնասիրում էր իմ անշնորհք փորձերը: «Խնդիրնե՞ր անձնական կյանքում», – հարցրեց կինը:
– Ահա, – հառաչեցի ես՝ վերցնելով գանտելները: Մարզումից հետո Նատաշան առաջարկեց մեկ բաժակ սուրճ խմել: Պարզվեց, որ իմ նոր ընկերուհին 40–ն անց է:
Նատալյան ամուսնալուծված էր, և, կարծես թե, ընդհանրապես չէր զղջում դրա համար։ «5 տարի առաջ ես բաժանվեցի ամուսնուցս», – ասաց Նատաշան` պարզելով ինձ իր նկարը: Լուսանկարում երևում էր ավելորդ քաշ ունեցող շիկահեր, որը հեռակա կերպով հիշեցնում էր Նատալիային:
«Ես այդ ժամանակ շատ էի անտեսել ինձ: Ես զոհաբերեցի իմ երազանքներն ու նպատակները հանուն Իգորի՝ վերածվելով իսկական հավի: Իմ մտահորիզոնը նեղացավ որոշակի չափերի` ներառելով իր մեջ ճաշ պատրաստելը, սերիալները, ամենօրյա լվացքներն ու մաքրություն անելը: Երբ ուշքի եկա, ես սկսեցի գեղեցկանալ` փորձելով գոհացնել իմ ամուսնուն, ով ամեն օր ավելի ու ավելի էր հեռանում ինձանից:
Մի անգամ Իգորը հայտնվեց սովորականից ավելի ուշ և ասաց. Նատաշա, դու ինձ էլ հարմար չես։ Ես հասկացա, որ ինձ պետք է ուրիշ մեկը` ավելի երիտասարդ և… ավելի նիհար»: Իգորն արտաբերեց վերջին բառը` կարճ դադարից հետո:
Մի քանի օր անց ամուսինս հավաքեց իրերը և տեղափոխվեց ինչ–որ Գալինայի մոտ. Մի երիտասարդ քարտուղարուհի, որը եկել էր Կիև` մայրաքաղաքը նվաճելու համար», – ասաց ինձ Նատալյան՝ շտկելով իր խոպոպները։ «Ես տառապում էի երկար ժամանակ, իսկ հետո ընկերուհուս հետ գրվեցի մարզասրահ:
Երբ փոքր էի, ես թենիս էի խաղում և լավ արդյունքներ էի գրանցում: Երկար ամիսների ծանր մարզումներն ապարդյուն չանցան: Շուտով ես զարմանքով հայտնաբերեցի, որ կորցրել եմ քաշիս կեսը և նույնիսկ գրավիչ մկաններ եմ ձեռք բերել», – ասաց իմ նոր ընկերը:
Նատալիան դասընթացներ անցավ և աշխատանք ստացավ մարզադահլիճում, որտեղ էլ սկսվեց ամեն ինչ: «Մի անգամ իմ նախկին ամուսինը եկավ ինձ տեսնելու: Ես հիշում եմ, թե ինչ զարմանքով նա նայեց ինձ:
Իգորը խնդրեց վերադառնալ: Ամենայն հավանականությամբ, նրա երիտասարդ կինը գտել էր ավելի հետաքրքիր և հարուստ մեկին», – ժպտաց Նատաշան: «Գիտես, Իգարյոկ, ինձ պետք է ինչ–որ մեկը ավելի երիտասարդ և… ավելի նիհար: Իսկ ես տեսնում եմ, որ փոր ես ձեռք բերել:
Արի մարզադահլիճ, մենք կաշխատենք քո խնդրահարույց տարածքի վրա», – ասաց Նատալյան` դուռը խփելով զարմացած Իգորի առջև: Նատաշայի հետ խոսելուց հետո ես հասկացա, որ մեզանից յուրաքանչյուրը արժանի է ամենալավին: «Մենք կարող ենք անել ամեն ինչ և նույնիսկ ավելին», – այս խոսքերով ամփոփեց իր պատմությունը իմ նոր ծանոթուհին։
