Փորձագետ Աննա Համբարձումյանը թվարկեց պոտենցիալ «ձախ» գնացողի երեք նշան, որը դժվար թե փոխվի
Կարե՞լի է արդյոք ապագա զուգընկերոջ մեջ տեսնել Կազանովային: Պարզվում է, որ կան մի շարք նշաններ, որոնք կահազանգեն այն մասին, որ տղամարդը հակված է դավաճանելու:
Ավելին, այդ առանձնահատկությունները բնորոշ են ոչ միայն ծանոթության կայքերի պոտենցիալ դավաճաններին, այլև այն տղամարդկանց և կանանց, որոնց հետ հանդիպումը կայացել է իրական կյանքում: Սեքսապաթոլոգ և դատահոգեբուժական փորձագետ Աննա Համբարձումյանը «Հինգերորդ ալիքի» հետ զրույցում թվարկեց տագնապալի «զանգերը»։
1
Այսպիսով, հավանական դավաճանն առաջին իսկ րոպեներից կսկսի նոր ծանոթին ներբեռնել այն գաղափարը, որ հարաբերություններում դավաճանությունն անխուսափելի է և նույնիսկ նորմալ: Նրանք գտնում են, որ ազատ փոխհարաբերությունները իրական հաճույք են պատճառում, որը չեն կարողանում զգալ միմյանց վրա կենտրոնացած մարդիկ։
2
Հավանական դավաճանի երկրորդ նշանն այն է, որ այդպիսի մարդիկ անընդհատ ասում են իրենց կողմից անհավատարմության անհնարինության մասին: Նրանք հաճախ են զրույցի ընթացքում բարձրացնում այս թեման` շեշտելով, որ խաբելը վատ է: Նրանց կարող է հետաքրքրել նաև այն հարցը, թե արդյոք իրենց նոր ծանոթը զրուցում կամ շփվո՞ւմ է այլ մարդկանց հետ, և նույնիսկ խանդ է ցուցաբերում: Նման պահվածքը կարող է խանդոտ բնույթի նշան լինել, բայց նաև ասել, որ մարդը կարող է հարաբերություններում դավաճանության գնալ:
3
Դավաճանի երրորդ նշանը փախչող հայացքն է: Եթե մարդը հաճախ է նայում այլ կանանց կամ տղամարդկանց, ապա անընդհատ որոնման մեջ է: Սեքսապաթոլոգը կարծում է, որ այդպիսի մարդը չի կարող հավատարիմ լինել, քանի որ նա ծայրաստիճան ազատասեր է և դժվար թե կարողանա փոխվել:
