Բնական կերպով բացարձակապես նույնական եռյակ ունենալու հավանականությունը շատ փոքր է, բայց 26–ամյա բրիտանացի Քեյթի Քրոուին դա հաջողվեց:
Քեթին և իր ամուսինը միայն 12 շաբաթականում իմացան, որ Քեթին սրտի տակ միանգամից երեք երեխա է կրում։ Բայց ահա այն, որ երեխաներն իրար նման կլինեն, ոչ ոք չէր սպասում:
Սովորաբար, եռյակները երկու բեղմնավորված ձու են: Բեղմնավորումից հետո մեկ ձուն շարունակում է աճել, իսկ մյուսը բաժանվում է 2 մասի, և երկվորյակներ են ստացվում: Ձվաբջիջների այս պահվածքի արդյունքում երեխաները առանձնապես նման չեն:
Իսկ Քեթին ունեցավ բացարձակապես նույնական երեխաներ: Այս եռյակը կոչվում է մոնոզիգոզ, քանի որ բեղմնավորման ընթացքում ստացվում է միայն մեկ պտղաբեր ձու և այն բաժանվում է հետո երեք մասի։
Փետրվարի 9-ին ծնվեցին Թոմին, Ջոշուան և Էդին: Բայց ամեն ինչ այդքան էլ հեշտ չէր, յուրաքանչյուր երեխային ստիպված եղան պիտակներ կպցնել իրենց անվամբ, քանի որ նրանք բոլորովին չէին տարբերվում միմյանցից:
«Երբ իմացա, որ հղի եմ եռյակով, ես մտածեցի.« Մենք մեծ տուն և յոթ տեղանոց մեքենա չունենք », բայց տատիկս ասաց: «Ոչինչ հենց այնպես չի լինում»: Եվ նա ճիշտ էր, տղաները պարզապես ապշեցուցիչ են», – պատմում է երիտասարդ մայրը։
Ամուսինները ունեն նաև 4–ամյա որդի` Ջեյկոբին։
