Սա շատ օգտակար տեղեկատվություն է: Եվ արտակարգ իրավիճակների դեպքում, և այն դեպքում, երբ սառնարանում ինչ–որ բան եք գտել, որը երկար ժամանակ այնտեղ է եղել։
Թխվածքաբլիթներ
Որպեսզի այս ապրանքը չփչանա, պետք է ստեղծվեն հատուկ պայմաններ: Սովորաբար բլիթները կարելի է հանգիստ ուտել նույնիսկ պատրաստելուց մեկ ամիս հետո: Իհարկե, դա թարմ չի լինի, համը մի փոքր կփոխվի: Բայց լինում են իրավիճակներ, երբ ինչ–որ բլիթներն ավելի լավն են, քան ոչ մեկը։
Հաց
Նորմալ պայմաններում հացը կարող է պահվել մինչև 5 օր, իսկ եթե այն չի բորբոսում, և ավելի երկար։ Այ եթե այն դնեք սառցախցիկ, կարող եք այն պահել ավելի քան մեկ ամիս: Հանգիստ լցրեք սառցախցիկը հացով և աստիճանաբար դուրս հանեք: Ի դեպ, այն շատ արագ է հալչում։
Կաթ
Փաթեթավորումը սովորաբար ցույց է տալիս մեկ շաբաթվա պահպանման ժամկետը: Բայց սա վաճառքի կանոններով է: Փաստորեն, քանի դեռ կաթից հոտ չի գալիս, կարող եք խմել այն առանց անհանգստանալու:
Մակարոնեղեն
Քանի որ դրանք չոր են, նրանց պահպանման ժամկետը գրեթե անսահմանափակ է: Կարևորը` դրանք բարձր խոնավությամբ վայրում չպահել։
Պահածոյացված սնունդ
Դուք կարող եք ուշադրություն չդարձնել բանկաներում նշված ժամկետի ավարտին: Դրանք կարող են պահվել ավելի քան մեկ տարի և մնալ անվտանգ: Բայց կա մի կարևոր պայման. Բանկան չպետք է տրորված լինի։
Մարինացված բանջարեղեն
Այն ամենը, ինչ տատիկը պահածոյացրել է, անհրաժեշտ չէ ուտել մինչև նոր պահածոյացման սեզոնը: Պարզվում է, որ մարինադում գտնվող այս բոլոր թթուները կարող են պահվել ավելի քան մեկ տարի: Միայն պայմանով, եթե դրանք գտնվում են մութ, զով սենյակում:
Ձվեր
Եթե ձվերը պահում եք սառնարանում, մի անհանգստացեք նրանց անվտանգության մասին: Զով տեղում, այս ապրանքը կարող է մնալ մինչև 3 շաբաթ: Բայց զգույշ եղեք, եթե ձուն կոտրել եք և տհաճ հոտ եք զգում, ավելի լավ է այն չուտել։
Շոկոլադ
Մենք հաստատ չգիտենք, թե դա ընդհանրապես փչանո՞ւմ է: Շոկոլադը կարելի է ուտել նույնիսկ սպիտակ ծածկույթով պատվելուց հետո: Բայց կարևոր պայման է այն զով տեղում պահելը։
Կոշտ պանրի սորտեր
Որքան չոր է պանիրը, այնքան երկար կմնա թարմ: Դա պայմանավորված է նրանով, որ բորբոսը բառացիորեն դժվար է ներթափանցում արտադրանքի խորքային շերտերը: Եթե կոշտ պանրի վրա բորբոս եք նկատում, պարզապես կտրեք այն և մի անհանգստացեք։
Սառեցված բանջարեղեն
Դրանք ընդհանրապես չեն փչանում: Միակ բանը` նրանք կարող են կորցնել օգտակարությունը և համը: Բայց դրանք լիովին անվտանգ են մնում նույնիսկ սառեցնելուց տասնամյակներ անց։
