Յուրաքանչյուր աղջիկ երազում է գեղեցիկ, երկար մազերի մասին:
Բայց հասունանալով` ոմանք իրենց հարգանքի տուրքն են մատուցում նորաձևությանը և կտրում մազերը, իսկ ոմանք պարզապես համբերության պակաս ունեն, և նույն ելքը` վարսավիրանոց:
Բայց 34–ամյա օդեսացի Ալյոնա Կրավչենկոն 5 տարեկանից չի կտրել իր մազերը, և այժմ նա իսկական Ռապունզել է։
Աղջիկը հանրաճանաչ է դարձել հենց մազերի երկարության շնորհիվ, որն արդեն հասել է 1,8 մետրի:
Նա 5 տարեկանից երկարացրել է այս շքեղ մազերը, ինչը շատ էր ուրախացնում իր մորը, ով միշտ ասում էր, որ երկար հյուսը կնոջ գլխավոր զարդն է:
«Վաղ տարիքից իմ մայրիկը սեր էր ներշնչում երկար մազերի հանդեպ», – ասում է Ալյոնան։
Իհարկե գեղեցիկ է, բայց նման երկար մազեր աճեցնելու համար դրանք առնվազն պետք է առողջ լինեն: Նրանց խնամքը շատ ժամանակ է պահանջում:
Իսկ մազերի սովորական լվացումը մոտ մեկ ժամ է տևում, բայց նա չի պատրաստվում կարճացնել դրանք, նա կարծում է, որ մազերը նրա հարստությունն են:
«Իմ մազերի հանդեպ սերն այնքան ուժեղ է, որ ես երբեք չեմ մտածել կտրվածքի մասին:
Ես չեմ պատկերացնում ինձ կարճ մազերով կամ ներկած ուրիշ գույնով», – ավելացրեց նա:
Ալյոնան ասում է, որ առողջ մազերի գաղտնիքը շատ պարզ է:
Նա երբեք չի չորացնում մազերը վարսահարդարիչով և թույլ է տալիս դրանց բնական չորանալ, չի օգտագործում գանգրացնող արդուկներ և մազերի հարդարում, չի սանրում մազերը թաց, միշտ օգտագործում է միջոցներ` հեշտ սանրելու համար, կոնդիցիոներ և մազերի դիմակներ, տարբեր կոսմետիկ յուղեր:
Նրա հիմնական խնամքը պրոֆեսիոնալկոսմետիկան է։
Եվ Ալյոնայի հիմնական խորհուրդը նրանց համար, ովքեր ցանկանում են նույնպիսի մազեր աճեցնել, ինքդ քեզ և դրանք սիրելն է։
«Երկար և գեղեցիկ մազեր ունենալու համար պարզապես պետք է ցանկանալ այն ունենալ»:
