Ամեն ոք, ով կարծում է, որ սեղանի շուրջ վարվելակարգն պարտադիր չէ, սխալվում է: Նույնիսկ ընտանիքի կամ ձեր ամենամտերիմ ընկերների հետ ճաշելու ընթացքում պետք է քաղաքավարի մնալ:
Ինչպես պետք է դրսևորել սեղանի շուրջ.
1. Տեխնիկան մի կողմ դրեք
Ավելի լավ է ամբողջովին հեռացնել սարքավորումները սեղանից: Ձեր հեռախոսը սննդի կողքին դնելը վատ նշան է: Առաջին տեղում պետք է լինեն իրական զրուցակիցներ, իսկ վերջում` վիրտուալ: Ճաշի ժամանակ սոցիալական ցանցում կախված լինելը անպարկեշտ է։
2. Մի՛ սկսեք ուտել առաջինը
Եթե ընկերախմբի հետ գտնվում եք հաստատությունում, սպասեք, մինչև մատուցողը բոլորին կբերի պատվերը: Եթե տիկնոջ հետ եք, նա առաջին հերթին պետք է սկսի ուտել: Եթե հյուր եք, սպասեք, մինչև տանտերերը խնդրեն հյուրասիրվել։
3. Սկզբում ուրիշներին, ապա ինքներդ ձեզ
Եթե դուք ընդհանուր ուտեստին ամենամոտ եք, նախ առաջարկեք այն ուրիշներին, ապա դրեք ինքներդ ձեզ։ Իսկ եթե դուք նստած եք ուտելիքից հեռու, մի ձգվեք դեպի դրան: Խնդրեք մեկին, ով ավելի մոտ է։
4. Օգտագործված պարագաներն ափսեի մեջ դրեք
Պատառաքաղներ, գդալներ, դանակներ, որոնք արդեն օգտագործվել են, դրեք միայն ափսեի մեջ: Ոչ մի դեպքում սեղանին: Եվ մի պահեք դրանք ձեր ձեռքերում, երբ դուք չեք ուտում, որպեսզի խոսակցության ընթացքում չթափահարեք դրանք։
5. Մի կծեք հացը
Բայց ինչպես ուտել այդ դեպքում: Կտրեք մանր կտորներ հացից և դրեք ձեր բերանում, բայց մեծ կտորից մի կծեք:
6. Մի տանջեք թեյի տոպրակը
Հանեք թեյի պարկը գավաթից գդալով, այլ ոչ թե ձեր ձեռքերով, նրբորեն սեղմեք այն բաժակի եզրին, որպեսզի քամեք, ապա դրեք այն թեյի բաժակի ափսեի ձախ կողմում: Կոնֆետի թղթերը, շաքարավազի տուփերը և այլն, պետք է նույնպես լինեն բաժակապնակի ձախ կողմում:
7. Ճիշտ կիրառեք կարագը
Կարագից մի կտոր կարագ կտրեք և դրեք ձեր ափսեի մեջ: Եվ դա արդեն տարածեք հացի վրա, որպեսզի փշուրները չթափեք սեղանի վրա։
8. Նայեք հյուրերին, երբ կենացի բաժակն եք խփում
Միաժամանակ հանդիպեք հյուրերին և՛ հայացքով, և՛ բաժակով: Եթե կենացը ձեր պատվին է, խփելուց հետո սպասեք, մինչև բոլորը խմեն այն, և միայն դրանից հետո դատարկեք ձեր բաժակը:
9. Ձեզ կարգի մի բերեք սեղանի շուրջը
Չի կարելի ինքներդ ձեզ կարգի բերել ուտելու ժամանակ։ Դրա համար կա լվացարան: Վերցրեք սանր, ատամմաքրիչ և գնացեք: Սեղանի շուրջ դուք կարող եք միայն անձեռոցիկով սրբել։
10. Պահպանեք վարվելակարգը, բայց մի ստիպեք, որ մյուսները հետևեն դրան
Եթե դուք սկսեք բոլորին մատնանշել իրենց տեղը և ինքներդ ձեզ մյուսներից դաստիարակված ցուցադրեք, ապա աշխարհիկ գուրուից դուք վերածվելու եք արտաքսվածի: Կիրառեք վարվելակարգը բացառապես ինքներդ ձեր հանդեպ։
Այժմ դուք գիտեք, թե ինչպես վարվել սեղանի շուրջ, որպեսզի հասարակության մեջ լավ երևաք: Սեղանի շուրջ վարքի կանոնները և ուտելու կանոնները, անշուշտ, օգտակար կլինեն ձեր կյանքում։
