Բրիտանիայի բնակիչ 21–ամյա Աննա Ուինդլին, ով հինգ օրվա ընթացքում միայն մեկ սենդվիչ էր ուտում, իր տարիքում կշռում էր 29 կիլոգրամ, նա նման էր մաշկով ծածկված կմախքի և սարսափելի վախենում էր սննդից:
Ամենայն հավանականությամբ, աղջիկն այդպես էլ գուցե չգոյատևեր, բայց սովորական շոկոլադը մի օր փրկեց նրա կյանքը։
Աննան միշտ եղել է շատ ակտիվ աղջիկ, երբ դեռ աշակերտուհի էր, նա սպորտով էր զբաղվում, մասնակցում էր բազմաթիվ միջոցառումների, և օրինակելի աշակերտ էր: Բայց չնայած այդպիսի ակտիվությանը, նա ծննդյան օրվանից գիրուկ էր և հաճախ էր դասընկերներից տհաճ արտահայտություններ լսում իր հասցեին` ավելորդ քաշի պատճառով։ Հոգնելով ծաղրանքից` Աննան որոշեց նիհարել։
Նա սկսեց խստորեն սահմանափակել իրեն սննդի մեջ. Նա գրեթե չէր ուտում միս, քաղցրավենիք, խմորեղեն և կաթնամթերք, նրա սնունդը բաղկացած էր մեկ սենդվիչից, ընդամենը մեկ ամգամ` մի քանի օրվա ընթացքում:
Հաճախ այս «դիետայի» պատճառով Աննան ընկնում էր հիվանդանոց, և նրա մոտ ախտորոշվեց անորեքսիա: Բժիշկները սկսեցին նախազգուշացնել աղջկան, որ նման տեմպերով ինքն իրեն կհասցնի սրտի կաթվածի: Նա էլ էր ամեն ինչ հասկանում, բայց ոչինչ չէր կարողանում իր հետ անել։
«Ես պարզապես ուզում էի ավելի նիհար լինել», – պատմում է նա։
Աննան իրեն այնպիսի վիճակի հասցրեց, որ նույնիսկ չէր կարողանում նայել սննդամթերքին, իսկ սննդի ցանկացած հոտ սարսափ էր առաջացնում։ Երբ ինչ–որ միջոցառմանն ուզում էին նրան հյուրասիրել կարկանդակով, նա չէր կարողանում դիմանալ և փախնում էր մեկ այլ սենյակ, նա ուզում էր անել ամեն ինչ, միայն թե չլինի ուտելիքի կողքին:
Բայց մի հիանալի օր ամեն ինչ փոխվեց, և դրան նպաստեց սովորական շոկոլադը։
Մի անգամ Աննան քաղցրավենիք ուզեց, բայց արդեն հոգեբանական մակարդակում նրան թվում էր, որ շատ կուտի, այնուամենայնիվ որոշեց փորձել քաղցրը: Ավելի ուշ նա կանգնեց կշեռքին և հասկացավ, որ ոչինչ չի ավելացել, ուստի նա սկսեց կամաց-կամաց թույլ տալ իրեն քաղցրավենիքներ։
«Խենթություն էր մտածելը, որ մի կտոր շոկոլադից անմիջապես կչաղանամ», – ասում է բրիտանուհին։ «Բայց հենց դրանից հետո ես հասկացա, որ ուտելը այնքան էլ սարսափելի չէ, որքան ինձ թվում էր»։
Այս դեպքը օգնեց Աննային ազատվել իր ամենամեծ վախերից մեկից և աստիճանաբար անցավ նորմալ սննդակարգի։
Այժմ աղջիկը կշռում է 45 կիլոգրամ, նա վարում է առողջ ապրելակերպ և սարսափով է հիշում կյանքի այդ ժամանակահատվածը։
Նորմալ քաշը վերականգնելու համար պահանջվեց երկու տարի: Այժմ Աննան մի գեղեցիկ աղջիկ է, գեղեցիկ կազմվածքով։
Նա սովորում է, աշխատում է, մասնակցում է մրցույթների, ունի ընտրյալ: Աննան այլևս չի ցանկանում հիշել իրեն այն ժամանակվա քաշի մեջ:
