Ինչպե՞ս մեկընդմիշտ կողքիդ պահել քո սիրած տղամարդուն. սովորում ենք աշխարհի ամենացանկալի ու գիտակ կանանցից՝ գեյշաներից

Գեյշաներն այն առեղծվածային գեղեցկուհիներն են, ովքեր կարողացել են տարիներ շարունակ դառնալ բոլոր ճապոնացի տղամարդկանց սիրելին՝ նրանց պարգևելով անմոռանալի պահեր ու էմոցիաներ, որոնք այդ տղամարդիկ դժվարությամբ էին ստանում այլ կանանցից։ Սակայն ո՞րն էր այս կանանց գաղտնիքն ու ինչպե՞ս էին նրանք կարողանում իրենց կողքին պահել յուրաքանչյուր տղամարդու. մի քանի գաղտնիքներ, որոնք յուրաքանչյուր կնոջ այսօր էլ կարող են օգտակար լինել։

Մի՛ արեք այն, ինչ չեք ուզում

Ավանդական գեյշաները իրենց հագուստով տարբերվում էին հասարակ անբարոյականներից։ Նրանց կիմանոն արձակվում էր հետևից ու բավականին երկար պրոցես էր իրենից ներկայացնում։ Դա ցույց էր տալիս, որ գեյշաները իրենց կամքին հակառակ չեն հանվելու ու դա կանեն միայն այն ժամանակ, երբ ցանկանան։ Տղամարդն այսպես ևս հասկանում էր, որ գեյշան իր կամքին հակառակ ոչինչ չի անելու ու սա ավելի էր գրավում նրան։ Ի դեպ, գեյշաները սեռական հարաբերություն էին ունենում միայն այն տղամարդկանց հետ, ում հետ իրոք ցանկանում էին կապի մեջ մնալ։

Միշտ զարմացրեք ձեր տղամարդուն և հետաքրքիր եղեք նրա համար 

Գեյշաները նախքան որևէ տղամարդու ընդունելը ամբողջությամբ ուսումնասիրում էին նրա բոլոր հետաքրքրությունները։ Նրանք գիտեին, թե տղամարդն ինչով է հետաքրքրվում ու սկսում էին կարդալ դրա մասին, սովորել, որպեսզի կարողանան իրենց գիտելիքներով զարմացնել տղամարդուն ու ցույց տալ, թե նա ինչքան հետաքրքիր է իրենց համար։ Այսպես՝ տղամարդը իրոք շոյվում էր ու չէր դադարում զարմանալ։ Գեյշաներն այսպես էին վարվում նաև սեռական հարաբերությունների տեսանկյունից։ Նրանք ուսումնասիրում էին տղամարդու սեռական բոլոր նախընտրությունները ու ամեն բան անում նրան այդ առումով ևս զարմացնելու համար։ Իզուր չէ, որ գեյշաները սեռական կյանքի մասին բավական շատ գրքեր էին գրում, որտեղ անգամ կարելի է գտնելու համբուրվելու հազար ու մի կանոնների։

Շատ բան թողեք երևակայությանը

Հիշե՚ք, որ ամեն լավ բան դետալների մեջ է։ Պետք չէ շտապել ամեն բան ցույց տալ տղամարդուն։ Գեյշաները զարմանալի էին նրանով, որ նրանք բավականին փակ էին հագնվում , սակայն ցանկացած պահին կարող էին ցույց տալ մարմնի հատվածքներ, որոնք տղամարդուն ավելի կխենթացնեին։ Գեյշաները գիտեին, որ ինչքան շատ բան թողնեն երևակայությանն այնքան ավելի շատ բան կցանկանային տեսնել տղամարդիկ։ Հետաքրքրական էր, որ նրանք հիմնականում բաց էին պահում ոտքերն ու ձեռքերի ափերը՝ վստահ լինելով, որ այս հատվածներն տղամարդուն ամենաշատն են գայթակղում։

Մարմինն ավելի շատ բան կարող է ասել, քան խոսքը

Գեյշաները հատկապես անկողնում սիրում էին լռել։ Նրանք վստահ էին, որ երկու մարմինների փոխհարաբերությանը չպետք է խառնվի և ոչ մի բառ։ Գեյշաները վստահեցնում են, որ խոսքը կարող է ոչ միայն փչացնել ու թաքցնել էմոցիաները, այլ նաև խանգարել դրանց, ուստի երբ սիրելիիդ հետ միասին ես պետք է քիչ խոսես, փորձես զգալ նրա ամեն հպումն ու հայացքը ու հենց դրանով փոխհարաբերվել նրա հետ։

Հիացեք ձեր տղամարդով

Որքան էլ,որ գեյշաները կարողանում էին իրենց սեքսուալ կարողություններով տղամարդուն հասցնել հաճույքի գագաթնակետին, նրանք նաև ունեին մի ունակություն, որը ոչ բոլոր կանայք ունեն՝ նրանք միշտ ցույց էին տալիս, որ հիանում են տղամարդով։ Այսօր էլ շատ կանայք տղամարդու ինքնագնահատականը գցելու ու նրան վատ խոսքեր, մեղադրանքներ շռայլելու բավական մեծ կարողություն ունեն, սակայն գեյշաներն այդպես չէին վարվում։ Նրանք միշտ ցույց էին տալիս տղամարդուն, որ հիանում են նրանով, ու, որ նրա նմանը այլևս չկա։ Յուրաքաչյուր տղամարդ, ըստ գեյշաների, չի կարող հրաժարվել այն կնոջից, ով միշտ իրեն ինքնավստահություն է ներշնչում ու ստիպում հավատալ, որ ինքն ամենալավն է։

Նյութը հրապարակման պատրաստեց ARMBLOG–ը

Տեղեկացրե՛ք Ձեր մտերիմներին:

Загрузка ...