«Կարտոֆիլային հրաբուխներ». կարտոֆիլով և բեկոնով պատրաստվող ամենահամեղ և հետաքրքիր կերապրատեսակը

Ընտրեք խոշոր կարտոֆիլ, ցանկալի է, որ այն երկարոտ լինի։ Հիշեցնենք նաև, որ կարտոֆիլը ջեռոցում ամբողջությամբ եփելու համար, երբ պետք է ամբողջական տեսքը պահպանվի, ամենից հարմարը վարդագույն տեսակի կարտոֆիլն է։

Անհրաժեշտ բաղադրիչներ

• Կարտոֆիլ – 4 հատ
• Թթվասեր – 2 ճաշի գդալ
• Բեկոն – 150 գրամ
• Չեդեր (կամ ցանկացած այլ պինդ տեսակի պանիր) – 200 գրամ
• Կանաչ սոխ – կես կապ
• Աղ – ըստ ճաշակի

Պատրաստման եղանակը

1. Կարտոֆիլը խոզանակով լավ լվացեք։ Կեղևը մի մաքրեք։ Երկայնքով մի քանի ոչ շատ խորը կտրվածք արեք։ Ամեն մի կարտոֆիլն առանձին փաթաթեք փայլաթիթեղով և 20 րոպեով դրեք 200 աստիճան տաքացված ջեռոցը։

2. Պատրաստեք միջուկը։ Պանիրը անցկացրեք քերիչի մանր անցքերով։ 1/5 մասն առանձնացրեք, մնացածը խառնեք թթվասերի և մանրացված կանաչ սոխի հետ։ Աղ արեք ըստ ճաշակի։

3. Պատրաստի կարտոֆիլները հանեք փայլաթիթեղի միջից, երկու կողմից կտրեք ծայրերը։ Հատուկ գդալի կամ դանակի օգնությամբ վերևից մի քիչ հանեք միջուկը, ինչպես երևում է տեսանյութում։ Եվ փոսիկների մեջ լցրեք միջուկը։ Բեկոնի երկու շերտով փաթաթեք կարտոֆիլները և ամրացրեք ատամի չոփիկով։

4. Ուղղահայաց շարեք կարտոֆիլները տապակի մեջ և 30 րոպեով դրեք 175 աստիճան տաքացված ջեռոցը։ Դրանից հետո արդեն կարմրած կարտոֆիլների վրա մնացած պանիրը լցրեք և կրկին 15 րոպեով դրեք 175 աստիճան տաքացված ջեռոցը։