Կան առողջ հարաբերություններ, և կա «գրեթե» հարաբերություններ…
Լինում են առողջ հարաբերություններ, և «գրեթե» հարաբերություններ, որոնցում հանգստացնում ես քեզ՝ մտածելով, որ այս մարդու հետ ապագա ունես, մինչդեռ իրականում դա այդպես չէ:
Եթե ձեր տղամարդուն ուղարկում եք հետևյալ հաղորդագրությունները, ապա կասկածում եք ձեր հարաբերությունների կարգավիճակին։
1. Ինչպե՞ս է անցնում քո օրը
Այս հաղորդագրությունները հաճախ ուղարկվում են «գրեթե» հարաբերություններում: Դուք պատրվակ եք փնտրում նրա հետ խոսելու համար, բայց իրականում շատ բան չունեք ասելու։ Կցանկանայիք ուղղակիորեն հարցնել, թե ինչու դեռ միասին չեք։
Նման հաղորդագրությունների պատասխանները սովորաբար բավականին ձանձրալի են, քանի որ սովորական մարդու օրն այնքան էլ հետաքրքիր չէ:
2. Ի՞նչ ծրագրեր ունենք երեկոյի համար
Դուք այնքան վստահ չեք ձեր հարաբերություններում, որպեսզի առաջարկեք գնալ նոր իտալական ռեստորան կամ որևէ այլ ծրագիր, ուստի դա թողնում եք տղամարդու վրա: Բայց, ամենայն հավանականությամբ, նա էլ գաղափարներ չի ունենա։
3. Միգո՞ւցե (տեղադրեք ձեր հարցը)
Դուք ցանկանում եք ձեր հարաբերությունները հասցնել հաջորդ մակարդակի, բայց վախենում եք մերժում լսել, ուստի նրան հաղորդագրություն եք ուղարկում: Միգուցե պլանավորում եք նրան հրավիրել փառատոն հաջորդ շաբաթվա վերջին, ընտանեկան ընթրիքի կամ պարզապես ընկերների հետ շփվելու։ Կարևոր չէ, թե կոնկրետ ինչ եք ուզում հարցնել նրան, գլխավորն այն է, որ վստահ չեք, թե նա կհամաձայնի:
4. Ուզո՞ւմ ես այցելել ինձ
Դեռ չգիտես՝ նա կգա՞ քո տուն՝ քեզ հետ ժամանակ անցկացնելու, ուտելիք պատվիրելու և ֆիլմ դիտելու։ Դուք միմյանց ճանաչում եք մի քանի ամիս, բայց ամեն անգամ պետք է նրան նման հարցեր ուղղեք։
Կարդացեք նաև՝ 8 բան, որ միայն սիրող տղամարդը կանի ձեզ համար
5. Ինչպե՞ս անցավ հանգստյան օրերդ
Գիտե՞ք ինչ։ Եթե դուք իսկապես հարաբերությունների մեջ լինեք, հանգստյան օրերը միասին կանցկացնեիք և ստիպված չեք լինի նման հարցեր տալ։ Դե, իսկ եթե գրեթե ամեն շաբաթ-կիրակի նման հաղորդագրություններ եք գրում տղամարդուն, ապա ձեր շփման վերջը շատ մոտ է:
6. Անցյալ գիշեր թույն էր
Եթե իսկական հարաբերությունների մեջ լինեիք, դա կասեիք նրա դեմքին։ Փոխարենը հաղորդագրություն եք գրում՝ հուսալով, որ նա նույն կերպ կպատասխանի։ Կարևոր չէ, թե ինչ եք արել՝ միասին ճաշե՞լ եք, թե՞ քնել: Դուք միևնույնն է ուզում եք, որ նա իմանա, որ ձեզ դուր է եկել ամեն ինչ։
7. Բարի լույս / բարի գիշեր
Դուք չեք մնում գիշերելու նույն անկողնում, ուստի դուք ստիպված եք գրել այս խոսքերը նրան՝ անձամբ ասելու փոխարեն։ Սա հստակ նշան է, որ դուք անհույս հարաբերությունների մեջ եք։
8. Հաջորդ շաբաթվա մեր պլանները դեռ ուժի մե՞ջ են
Եթե դուք պետք է հարցնեք դրա մասին, ապա, ամենայն հավանականությամբ, արդեն ոչ: Ժամանակի ընթացքում տղամարդը կսկսի քեզ հետ ավելի ու ավելի վատ վերաբերվել՝ հույս ունենալով, որ դու առաջինը կհեռանաս իրենից։ Այս ռազմավարությունը տարական է, բայց շատ տղամարդիկ են օգտագործում այն: Դուք նրան հաղորդագրություն եք գրում՝ հարցնելով ձեր ծրագրերի մասին, ինչ-որ բանի հույսով, չնայած ձեր հոգու խորքում արդեն գիտեք ճշմարտությունը։
9. Այսպիսի հարաբերություններն ինձ չեն համապատասխանում
Դուք չեք ցանկանում նման հաղորդագրություն ուղարկել, բայց միևնույն ժամանակ գիտեք, որ այնուամենայնիվ պետք է: Դա նշանակում է հարաբերությունների ավարտ, և ի պատասխան սովորաբար գալիս է «ամեն ինչ լավ է, ես հասկանում եմ» նման մի բան: